Thursday, September 15, 2011

أدب .. أمل دنقل : خطاب غير تاريخي

أدب .. أمل دنقل : خطاب غير تاريخي



ها أنتَ تَسْترخي أخيراً..

فوداعاً..

يا صَلاحَ الدينْ.

يا أيُها الطَبلُ البِدائيُّ الذي تراقصَ الموتى

على إيقاعِه المجنونِ.

يا قاربَ الفَلِّينِ

للعربِ الغرقى الذين شَتَّتتْهُمْ سُفنُ القراصِنه

وأدركتهم لعنةُ الفراعِنه.

وسنةً.. بعدَ سنه..

صارت لهم "حِطينْ"..

تميمةَ الطِّفِل, وأكسيرَ الغدِ العِنّينْ

(جبل التوباد حياك الحيا)

(وسقى الله ثرانا الأجنبي!)

مرَّتْ خيولُ التُركْ

مَرت خُيولُ الشِّركْ

مرت خُيول الملكِ - النَّسر,

مرتْ خيول التترِ الباقينْ

ونحن - جيلاً بعد جيل - في ميادينِ المراهنه

نموتُ تحتَ الأحصِنه!

وأنتَ في المِذياعِ, في جرائدِ التَّهوينْ

تستوقفُ الفارين

تخطبُ فيهم صائِحاً: "حِطّينْ"..

وترتدي العِقالَ تارةً,

وترتدي مَلابس الفدائييّنْ

وتشربُ الشَّايَ مع الجنود

في المُعسكراتِ الخشِنه

وترفعُ الرايةَ,

حتى تستردَ المدنَ المرتهنَة

وتطلقُ النارَ على جوادِكَ المِسكينْ

حتى سقطتَ - أيها الزَّعيم

واغتالتْك أيدي الكَهَنه!

***

(وطني لو شُغِلتُ بالخلدِ عَنه..)

(نازعتني - لمجلسِ الأمنِ - نَفسي!)

***

نم يا صلاحَ الدين

نم.. تَتَدلى فوقَ قَبرِك الورودُ..

كالمظلِّيين!

ونحنُ ساهرونَ في نافذةِ الحَنينْ

نُقشّر التُفاحَ بالسِّكينْ

ونسألُ اللهَ "القُروضَ الحسَنه"!

فاتحةً:

آمينْ.

Sunday, September 4, 2011

زياد الرحباني - التوقيت الشتوي

شكرا للصديقة علا من غزة على مشاركتها الرابط .... بالفعل احنا كل ساعة بنرجع عشر سنين للوراء

بدون عنوان ...يا غرينتش

بدون عنوان 



عنوان التدوينة هاي المرة بدون عنوان، لأنو صراحة حكومتنا العزيزة في الضفة ما خلت ولا مجال حتى نفكر بعناوين لتدويناتنا. ما رح اكتب بالفصحى كمان لأنو حكومتنا لا فصحى ولا عامية جايبة معها فايدة.... صراحة مش عارفة شو بدي اكتب ..بس رح افش خلقي شوي لعل وعسى ألاقي حدا يسمعني ويفهمني... رح أبلش من خط غرينتش ....
الشهر الماضي اكتشفت إنو رئيس الوزراء الفلسطيني " اللي في الضفة الغربية " هو شخص متعدد المواهب يعني لو راح على برنامج Arab’s Got Talent  كان فاز بالمرتبة الأولى وطبعاً نجوى كرم رح تكون  أول الداعمين .... سلام فياض مش بس رجل اقتصاد فذّ وعبقري ناجح في التسول الدولي إنما أيضا رجل فلكي وجغرافي لا يشق له غبار ،وقد اثبت لنا هذا عندما أعلن أن الضفة الغربية ستعود للعمل بالتوقيت الصيفي بعد رمضان " بالتوقيت الشتوي " ..بينما الشق الأخر من الوطن لا يزال على التوقيت الشتوي ...قلبي حاسنني إنو الحكومة بالضفة بتجاكر حدا ..بس مش عارفة مين ...يمكن بتجاكر حالها.  في شوية أسئلة لازم حدا يحاوبني عليها تتعلق بالتوقيت الصيفي والشتوي ...

1-      هل تقع غزة على خط عرض مختلف عن خط عرض الضفة الغربية ؟؟
2-      لما أبو مازن يعلن دولة أيلول، رح يعلنها بأي توقيت ؟؟ توقيت الضفة، ولا غزة، ولا غرينتش ، ولا القدس المحتلة؟
3-      مين بروح على الدوام بالأول؟ الناس في الضفة ولا الناس في غزة ؟؟
4-      معقول يكون الاحتباس الحراري أثر مثلاَ على الساعات وصار فرق التوقيت بين الضفة وغزة ساعة واحدة من الحقائق الجغرافية الجوية الجديدة ؟
5-      نشرة الأخبار في تلفزيون فلسطين على أي توقيت ؟؟ الصيفي ولا الشتوي ؟؟
6-      شو عقوبة اللي بخلي ساعتو شتوي في الضفة ؟؟ أكيد رح ينحبس لأنو هادا يعتبر أمر مخالف لقوانين الدولة ومؤشر انقلابي خطير يؤثر على الأمن القومي الاسرائيلي....
بهاي المناسبة العظمية قرر سلام فياض أن يجعل يوم عودة الضفة الغربية إلى التوقيت الشتوي يوم عطلة رسمي برضو عشان يجاكر حالو ....
حاسة حالي انفضحت بين الأمم ... في حدا عندو علم إذا ألمانيا أيام الانقسام كان فيها توقيتين أو لاء ؟؟؟ ما شاء الله نحن دوماَ سباقين للفضايح ..كمان شوي رح ندخل موسوعة جينيس للأرقام القياسية كأكثر شعوب الأرض غباءَ وانقساماَ.....  في إشاعات بتقول إنو الملكة البريطانية رح ترفع دعوى قضائية في محمة العدل  الدولية ضد سلام فياض وسكان الضفة وذلك لعدم احترامهم أصول التبديل بين التوقيت الصيفي والشتوي، وأيضا لتهديدهم الأمن القومي لخط غرينتش الذي سوف يكون معرض  لهجمات فلكية صيفية وشتوية فياضية ..... مش ضايل غير نوقع في مشاكل مع ملكة بريطانيا .... اللهم ارحمنا برحمتك
محمود عباس، وسلام فياض من شان الله ارحمونا وخلونا نعيش بشكل طبيعي بس  لمدة خمس دقايق ... ارحمونا واتركوا البلاد..ارحمونا واتركونا نعيش مع ساعاتنا بتوقيت غرينتيش.